引年輕人關注！姜卓文自創RAP歌撐腦退化人士

藝人姜卓文出身自演藝世家，最近創作了一段RAP支持腦退化症病人，並發布到社交網，獲粉絲們紛紛讚好，令其非常感恩，他受訪時表示:「今次嘅活動係想多啲年輕人參與社區計劃，下載個APP，等啲走失咗嘅腦退化症朋友，能夠多一個機會可以搵得番！由於對象係年輕人，所以我覺得用Hip-hop文化同RAP嚟呼籲大眾關注腦退化症呢個方法幾特別同創新！好多人以為年紀大咗，自然會無記性同認唔到人，但其實腦退化症係一個幾嚴重嘅病，實在需要好多人，無論家人定係大眾都一齊支持。」

談到其父母亦年屆70多，姜卓文指慶幸他們身體均不錯，現時仍非常精靈，有時候還認為爸爸姜大偉的體魄比他更厲害:「爸爸依家仲不斷參與幕前演出，以佢呢個年紀仍然永不言休，所以好佩服佢嘅毅力，會以爸爸作為榜樣，希望自己可以好似佢咁，無論去到邊個年紀都依然敬業樂業。」