戴祖儀草泥馬NFT火速售罄 淨袋500萬

2022年02月08日 04:01
東網電視
更多新聞短片
最近娛樂圈掀起一股NFT的熱潮,好多藝人都加入戰團,投資有道的藝人戴祖儀除了收藏藝術品,也是圈中首批低調玩NFT的藝人。
東網收到讀者爆料,指戴祖儀的草泥馬NFT6888隻,在15分鐘內售罄,指她淨袋500萬元。祖儀回覆:「呢個project我都有份去玩同一齊投資,我係投資咗少少嘅,都真係好多謝好多唔同嘅投資者支持,的確係15分鐘賣晒,但我一定冇淨袋500萬,因為呢個project都有其他拍檔,入面仲有其他做嘢嘅人,唔係我自己一個拎晒啲credit,我都係佔少少一齊去玩啫。」
她坦言本身好鍾意藝術,所以一直都有留意,稍後也會用這個project再搞不同的藝術展覽,宣揚更多藝術,她說:「因為我哋內部嘅人都好有心,賺到啲錢都係放番落個pool度,繼續去發展個project,所以真係冇話確實賺到幾多。」
是否想開闢另一條財路?她笑說:「因為唔同project,佢哋想要嘅嘢都唔同,好多其他NFT嘅project賺完錢冇乜聲氣,我哋比較負責任啲,我哋有收入,但將啲收入放番落去運作,梗係希望會長遠喺財務上有新嘅發展,要好睇之後反應,但我哋會努力去嘗試。」