亞視入侵TVB︱姜皓文搵江美儀幫手　下流衝視帝

由惠英紅及姜皓文（黑仔）等主演的劇集《刑偵日記》去年播出時成績強差人意，曾試過最低收視「破紀錄」僅得10.2點，但卻無損他與無綫的合作關係。據悉，除早前於《青春本我》內客串扮演炎明熹父親外，黑仔將於以樓市為題材的實況劇內擔正，再次衝擊視帝之路，且與好戲之人鮑起靜（鮑姐）及江美儀結劇緣。

黑仔、鮑姐及江美儀同是「亞視之友」，可謂同聲同氣，前兩者近年都活躍於電影圈，不過卻出奇地從未有合作機會。三人上次合作，已經是1997年亞視劇集《屋企有個肥大佬》，相隔25年終於等到再次銀幕同框的機會，難怪鮑姐受訪時大表興奮，不過她卻明言細節仍未接獲通知，故未能多作透露。

今次黑仔擔正演出劇集名為《下流上車族》，預算3至4月開拍，初定15集。戲中扮演地產經紀的他，未婚妻被騙去上車盤，令他立志再儲錢置業，經熟客介紹其女兒擔任其助手，黑仔於是游說對方假結婚抽居屋，因慳租金及迫遷等問題而變成「真同居」。消息於網絡上瘋傳後，有網民發揮創意留言﹕「正喎，亞視幫，不如叫埋陳煒及袁文傑呀。」