昔日夫婦變「雌雄大盜」　黃曉明同Baby涉嫌盜竊？

內地男星黃曉明1月尾宣布與結婚7年嘅Angelababy離婚，雖然佢哋已經各奔前程，不過最近竟然雙雙惹「官非」，被高雄市一名60歲嘅王姓男子報警，話佢哋涉嫌盜竊變咗「雌雄大盜」。話說上月，有位王姓男子走去報案，指控黃曉明及前妻Angelababy，涉嫌偷竊佢架電動單車，仲話佢約咗Angelababy聚餐，多次要求警方聯繫絡佢哋2人到警署落口供。

接手報案嘅警員，聽完晒嗰位王先生嘅口供後，就得呢位仁兄胡言亂語，陳述脫離事實，所以拒絕受理。點知呢位王先生唔忿氣，拎起手機掃描喺櫃枱未完成報案嘅QR-CODE，仲發埋短訊去110勤務指揮中心，向督察組投訴警員唔做嘢，不過再經督察組調查後，證實姓王男子報案內容嘅真確性同事實不符，還番個公道畀嗰位被投訴嘅警員後，呢場「鬧劇」先至完結咋。