一次過食百種食品　陳俞希同肥仔勁擔心

由藝人陳俞希（Hailey）與ERROR成員肥仔（梁業）一同主持的ViuTV全新飲食真人騷《為食家族》剛開始播出，分別由多個三代同堂的家族間互相大鬥法，考驗各家族對廚藝及飲食的認識。Hailey接受東網訪問大談拍攝感受，她說：「最深刻應該係有一個回合要啲參賽者食100樣食物，我同肥仔其實係勁擔心，因為有一個家庭係有兩個老人家，真係超級擔心佢哋。」她續說：「個節目主要講素人三代同堂一齊參加比賽，包括爺爺嫲嫲輩，佢哋會分享好多家庭日常，其中一Part係講家庭嘅關係，聽到肥仔都忍唔住喊。」節目中亦有主持人烹飪環節，她伙拍澳門KOL霍俊邦（霍哥）炮製美食，她說：「節目入面同霍哥一齊煮菜心炒牛肉，然後肥仔負責試食，不過畀佢彈我哋啲嘢唔好食囉！話啲牛肉熟到鞋晒喎，哈哈。（自己有冇煮開嘢？）一直都有煮，疫情期間仲開始拍片喺社交網分享，不過自己係好少炒牛肉嘅。」