《雙生陌生人》有新變動 Cut走5集提早大結局

2022年05月14日 23:48
東網電視
更多新聞短片
藝人馬德鐘和湯洛雯主演的無綫劇《雙生陌生人》播出以來收視一般,無綫作出了新的變動,並於官網宣布,翡翠台於5月30日將有特別新節目調動安排,原周一至五晚上9時30分播映《雙生陌生人》將濃縮至20集,5月27日大結局後25集足本,將安排於myTV SUPER播出,敬請留意。聯絡上主角湯洛雯,她表示:「我又冇聽過喎真係唔知道,後期製作我不嬲都冇問。拍完之後宣傳係我哋嘅責任不過其他嘢都平常心唔會太理。」問到會否在myTV SUPER追番結局,她表示:「暫時唔會嘞,呢排日日開《隱門》,要追返之前停開嗰段時間。6月左右完咗套劇就會追番。」聯絡監製林志華,他則「已讀不回」。
而馬德鐘則回覆東網表示:「失唔失望?人如飲水冷暖自知啦!至於收視低,人生就總有高低嘅,不過套劇都未播完,唔能夠太早下定論㗎!我覺得公司有呢個安排呢,一定係好嘅安排嚟嘅,因為濃縮左,就會令到劇情更加緊湊。唔知遲啲會唔會再剪到個電影版出嚟呢!」
據知,無綫此舉是為了變陣對撼ViuTV5月30日播出由劉心悠和郭羨妮主演的《冥冥之中》。雖然有指無綫的《黯夜守護者》劇將提前一星期於5月30日播出。但據了解,無綫為免《黯》劇正面對撼,故正緊急調動其他劇集迎戰。對於今次節目作出變動,消息在網上引起熱議,當中有網民對《雙》劇刪5集感到可惜,認為浪費劇中一班演員心血。