東網電視
更多新聞短片
視頻觀看次數: 3.2k
張敬軒《THE NEXT 20》演唱會第5晚，揚言每晚都當尾場做的他，因為觀眾完場後不肯離場而2度、3度安歌，昨晚（14日）更破紀錄4度返上舞台，令歌迷開心不已。軒仔表示這個20周年演唱會，本來是送給自己40歲的生日禮物，但從來沒有想過會由40歲開到自己41歲，故十分感激大家給他機會，並笑說：「咁都做到Part 2！」疫情中開演唱會，心理一定有壓力，他自言在這段期間學會要好好活着，好好把握自己在世上的時間，做自己喜歡的音樂：「我要將上帝畀我嘅使命好好去履行，我喺樂壇唔係純粹要呃like，喺社交網氹大家開心。我應該利用自己手頭上得到嘅再分享畀人，呢個先係我價值！」
軒仔話估唔到個演唱會由40歲唱到41歲。
佢又話自己係履行上帝任務。
他續說：「自己做新人時，有段時間叫『嘉賓王』，做過好多前輩演唱會嘉賓，係前輩畀個舞台我，令我得到好多人認識。依家我都要畀番機會新人。今晚嘉賓都係一位新人，我哋冇乜交集，但識咗好長時間，呢個咁有才華嘅女人，咁叻、咁有趣，令我流晒口水，希望將來音樂上有合作！」然後便介紹Serrini出場，全場觀眾即歡呼四起，掌聲不停。
一上到舞台，軒仔便笑問Serrini的「戰衣」：「咁似聖誕樹？波波裙⋯⋯我以為係小鳳姐。」 Serrini表示：「我係似雀仔係咪？其實呢件係絲絨被。」隨後她表示有禮物送給軒仔：「我見人人都有禮物，不過我唔會送果醬嗰啲⋯⋯呢個係一個鑽石砌割嘅心形葉。」軒仔接過盆栽笑言：「我知呀，呢種叫多肉植物嘛！」Serrini答：「咪係我囉。多肉樹樹⋯⋯你唔使淋咁多水，Dry Dry哋就得。」軒仔即抵死接口：「Dry Dry哋，咪似我？」Serrini就話：「因為你頭先升高咗個lady（諧音：Single Lady）。」
大講有味笑話。
Serrini演唱完後，於後台聽到軒仔的《櫻花樹下》音樂響起，抵死地說：「我又要『泰國捐精』！」然後待軒仔唱到「太過堅貞」一句，便自拍高唱「泰國捐精」，十分興奮。問到她於台上看似十分緊張，Serrini坦言：「真係唔知點解見到軒仔就緊張到不得了，想講嘅說話都唔記得咗。」她透露跟軒仔是由網友變朋友：「佢好早Follow我，跟住咪網友囉。佢對朋友好好，而且佢聽得明我啲無聊笑話。所以我哋好多嘢傾。我嘅第一次⋯⋯紅館做嘉賓就畀咗佢，哈哈。」
另外，英皇集團主席楊受成、太太陸小曼、英皇集團副主席楊政龍、英皇娛樂集團行政總裁許佩斯、旗下藝人劉雅瑟、艾妮、黎展峯、劉若寶、黎峻、朱天、郭思、洪助昇等均有到場支持軒仔為他打氣。
老闆楊受成都有捧場。
Good騷！
呢場嘉賓有Serrini。
