倪嘉雯主持知識型節目　做好功課好享受

無綫小花倪嘉雯（Carmen）最近除了拍劇，更為J2主持知識、資訊型新節目《晚間聽聞》進行拍攝。有機會擔任清談節目主持，Carmen相當開心，加上讀理科的她，對新節目更大感興趣，令到工作事半功倍，她說：「自己平時好鍾意上網睇一啲科學、冷智識嘅短片，但係今次節目所講嘅係世界上發生緊嘅嘢，自己未聽過，大家都可能唔知，或者冇諗過去討論，今次做節目真係大開眼界。」

為做好節目，Carmen事前也要為節目話題做功課，她說：「要睇吓啲相關新聞，自己研究一下，對話題熟悉，知道來龍去脈先得，自己好享受做功課，了解新事物嘅過程。」