張慧儀谷胸上陣弗過以前 私心想搵另一半

藝人張慧儀今日（28日）現身其代言的美容護理廣告首映禮，身穿緊身連身裙谷胸上陣的她自認狀態勝以前：「記得我前幾年拍劇畀人話我肥，其實係啲皮膚鬆弛咗，依家緊緻咗，信心都大啲，我都好耐冇着啲咁性感嘅衫，以我呢個年紀嚟講，好滿意依家嘅狀態，睇吓可唔可以搵到另一半。（有冇多咗追求者？）我唔知，我都希望有。（你有冇心儀對象？主動出擊？）我又冇，我冇諗呢方面好耐，依家可以重新考慮，不過我覺得我可以再弗啲。」

問她是否有信心以比堅尼示人？她自言2003年起就沒有穿過比堅尼，認為年紀及心態很重要：「我冇對象，冇衝動，冇着嘅欲望。或者我依家可以重出江湖，不過我冇勇氣，亦要顧及囝囝感受，有時我着件唔算低胸嘅衫，佢見到都會叫我換過另一件衫。但如果係為工作而需要性感，我就會解釋畀佢聽。」