東網電視
更多新聞短片
藝人陳山聰同老婆Apple前日（1日）為寶貝仔陳霆軒（Jaco）慶祝兩歲生日，今次生日會更以豹紋做主題，佢哋一家三口身穿豹紋裝上陣，相當溫馨。山聰仲好開心喺社交網分享靚相，並喺貼文寫到︰「大佬2歲Happy Birthday！Daddy祝你身體健康、快高長大、聰明伶俐、聽教聽話、孝順媽媽。你快樂所以我快樂！Love you forever，my son，我愛你！」
陳山聰同老婆Apple為寶貝仔Jaco慶祝兩歲生日。
好友伍詠薇、陳敏之亦有現身生日會。
蛋糕超可愛！
而佢嘅好友伍詠薇、佘詩曼（阿佘）、陳敏之亦有現身生日會，見佢哋爭住同得意嘅Jaco合照，非常開心。而阿佘更喺社交網寫到：「爭啲食檸檬，索吻成功。」伍詠薇就話：「Jaco仔超可愛又有性格，比大姑媽抱咁耐又笑眯眯，Happy birthday dear Jaco！」
伍詠薇大讚Jaco可愛又有性格。
阿佘驚喜現身！
仲成功向Jaco索吻，非常開心。
