隔離感無聊　黃紫盈親剪秀髮搞出禍

前無綫新聞主播黃紫盈早前飛到日本拍攝旅遊節目，最近她已返港並完成7天隔離，今次是紫盈首次體驗酒店隔離生活，她表示：「每日生活非常有規律，都係處理工務、食飯、睇劇、拉筋同做檢測，日日如是。對於隔離酒店嘅餐飲本身冇抱任何期望，有新鮮橙食吓，我已經好開心，好彩喺日本食夠本，就當入咗減肥營。」

她稱隔離初期還好，後來覺得生活太刻板，故想盡辦法苦中作樂，在第7天她更做了一件令自己後悔的傻事：「我突然想修剪吓把頭髮，於是自己動手剪，得閒剪少少，得閒剪少少，原先都唔覺有問題，出關當日屋企人見到我把頭髮短咗，仲剪到髮尾一長一短，問我發生咩事，我先知道原來自己剪髮失敗，好瘀！」於是紫盈完成所有檢測後第一件事就是找髮型師急救秀髮，她呼籲大家：「呢個故事教訓大家，無論隔離期間幾無聊都好，唔好做傻事呀！」