東網電視
更多新聞短片
視頻觀看次數: 19.8k
藝人楊卓娜喺2001年參選港姐後入行，不知不覺已經過咗21年，佢日前接受《星光路上》訪問時，講番自己入行時嘅經歷，佢話最初拍劇嗰陣由於從未上過演技課程，連「走位」都唔識，愈演愈差係咁NG，搞到佢對鏡頭有恐懼，唔敢再演啦！佢自爆當時收到有工開嘅電話，竟然會驚到震，要諗用咩方法去推Job：「返到去會好辛苦，我覺得冇病都變到有病。」最後佢壓力大到患上情緒病，令佢決定暫時擺低演員身份：「當時我感到非常自卑，覺得我失去咗自己，好想搵番個自信心返嚟先。我好大膽同公司反映咗，想要去到另一個工作崗位，去做主持，等自己唔怕鏡頭先啦，點知一去就去咗成10年。」
楊卓娜生完BB後，獲得監製梅小青嘗識重返劇組，重拾演員身份，佢感謝惠英紅教識佢要鍾意自己份職業先會做得好嘅，令佢可以適應演員身份。
楊卓娜最初拍劇壓力大到患情緒病。
楊卓娜當時覺得失去咗自己。
