昆凌童年照曝光萌爆　周杰倫急晒自拍搶5萬Like

台灣天王周杰倫（周董）嘅太太昆凌係圈中出名嘅索爆混血兒，10幾歲就用「Hannah」藝名出道加入《我愛黑澀會》，依家就做天王嫂，地位超然。昆凌早前誕下第三胎，積極修身仲復出埋，近日周杰倫就出Post太太昆凌童年照，見佢眼大大、樣子甜美，係由細靚到大嘅純天然美女。唔知係咪見老婆搶Fo成功，佢都擺自己上枱，急急腳晒出久違嘅型仔自拍，不過佢就戴晒太陽眼鏡遮樣，出Post 3個鐘就喪吸近5萬Like，天王號召力確係驚人！