曾頌珊開工受傷爆缸　急Call白車送院縫針

十幾歲童星出身的藝人曾頌珊（Kiddie)，近日與幾位新演員包括歌手陳善渝（Odilia）等拍攝電影《查無此人》（暫名），期間Kiddie不幸發生意外，被燈意外擊中頭部，當場血流披面，血漬更染到衣領及身上，工作人員立即call白車將她送院治理，需要縫針，由於她不想延誤進度，之後她忍痛返回拍攝現場繼續開工，認真專業。

曾頌珊稱：「事發太突然，中咗頭獎一刻個腦一片空白嚟唔切反應，見導演衝哂埋嚟，仲驚過我，叫我冷靜唔使怕，當feel到啲血流緊落嚟，先知大件事。我本身唔想去醫院，但係個個都好擔心，因為流咗好多血，傷口都幾深，所以先逼住入院縫針。」Kiddie原來已非第一次拍戲受傷，之前在另一部電影也有受過輕傷，不過縫針就是首次，她開玩笑說：「擦傷吓啫!有啲疤痕出街唔怕被挑機。成件事好似拍戲咁，可能遲啲拍呢類型受傷戲會更容易投入角色。」而最搞笑是她的媽咪，知道女兒受傷，還講笑要過來打卡，她說好多朋友都替她擔心，但同時又着她快點買六合彩，令她哭笑不得，並透露傷口已痊愈得七七八八。