東網電視
更多新聞短片
視頻觀看次數: 3.1k
型男謝霆鋒近年愛上養寵物，除咗養咗兩隻愛貓Miso同Dashi外，仲養咗隻愛犬Mustard，平日對寵物愛護有嘉，會親自幫佢哋沖涼，做個稱職嘅主人！愛心爆棚嘅佢日前喺社交網晒咗條叫「流浪小貓投餵記」嘅片，提醒大家餵流浪貓記得要餵牠們適合嘅食物！
謝霆鋒同愛貓Dashi！
謝霆鋒仲有養狗仔Mustard！
佢第一晚就拎咗自己愛貓Dashi最鍾意食嘅貓糧去餵流浪貓，睇到隻貓咪食到津津有味，不過佢覺得貓咪唔可以食太多，所以畀咗2粒就唔再畀啦！唔知啲流浪貓係咪知道霆鋒會再嚟餵食呢？所以之後嗰幾晚霆鋒就引咗愈來愈多流浪貓出嚟等佢餵食添！由於佢晚晚都拎晒啲貓糧去出去餵流浪貓，搞到愛貓Dashi都「呷醋」，仲「投訴」霆鋒出面有其他貓啦，認真搞笑！
謝霆鋒出動去餵流浪貓。
仲拎愛貓Dashi最鍾意食嘅貓糧！
食到流浪貓津津有味！
引咗愈來愈多流浪貓出嚟等霆鋒餵食呀！
搞到愛貓Dashi都「呷醋」！
