曾樂彤1Take過合格做「P牌仔」　許靖韻冒險做乘客

英皇歌手曾樂彤6月時在網上報喜，宣布一Take Pass成功考獲自動波車牌。日前她接受訪問時稱尚未成有車階級，不過仍可過「手查」車癮，因為有朋友肯借座駕給她練車：「都練咗10幾次，發覺泊車好難，同考路試時都唔同，不過都唔怕嘅，因為其他駕駛者都好關心我呢啲『P牌仔』，仲會出手幫忙嘅。」

問到圈中可有朋友願冒險做她的乘客？她就話許靖韻是其捧場客，有指她是其真正朋友，她卻抗議說：「咩呀？我先夠朋友，我未考到車牌前，坐過佢一次車，佢係『車手』嚟嘅，架車可以向前，但變咗溜後。」自知衰多口爆好友「瘀事」的她，隨即補充再謂：「但佢依家揸車技術好咗好多啦。」未知是否要轉移視線，自爆曾發車瘟：「我試過夜晚差啲行去咗對面線，（咁大鑊？）因為睇唔到，咁我學車嗰時，多數係朝頭早，但夜晚再去到嗰度，地面嗰啲行車線有啲甩色，有啲模糊嘛，我都唔想嘅，好在身邊嘅許靖韻提我，因為佢行過嗰條路。」