歐陽妙芝韓遊陪細仔捧男團TXT訂埋燈牌

名模歐陽妙芝早前往首爾旅行，此行目的是陪細仔睇男團TXT演唱會，現年14歲的方玉亨一向熱愛跳舞，對韓國K-pop文化特別着迷，近年喜愛韓國男團TXT，因母子同告幸運地抽中門票，趁返學前到首爾旅行兼睇騷，她說：「其實上年細佬參加咗TXT online show嘅dance Challenge，細佬自拍跳舞片寄去挑戰，點知被㨂中在網上騷播出，細佬好感動，覺得多咗份聯繫。」<br/><br/><br/><br/><br/><br/>今次赴首爾睇騷，妙芝特別訂造了燈牌，成功吸引偶像的注意，由於他們抽中不同場次，而且是以實名制買飛，原打算各有各睇，不過妙芝睇騷當日，她告訴入場職員兒子才是粉絲，幸運地細佬獲免費入場，故兒子睇足兩場，認真驚喜，之後他們離開首爾，往澳洲會合老公，探望在當地讀書的大仔方玉丞，親子行程非常緊湊。可能受偶像影響，細佬一度玩變髮色，將頭髮染綠，妙芝稱開學前細佬已收執心情，回復黑髮，做個好學生。