東網電視
更多新聞短片
「細細粒」陳嘉佳近年於內地轉型做吃播KOL大受網民歡迎，坐擁過百萬粉絲人氣爆燈，近日佢更於廣州開設海味舖，升呢做老闆娘！日前細細粒為海味舖舉行開業儀式，見佢着上旗袍、戴上珍珠頸鏈同耳環，打扮得相當有貴氣。店內不但擺滿花膠、人參、燕窩、冬蟲夏草等名貴乾貨，當日佢更特別邀請舞獅隊表演助興，兼親自為舞獅點睛及進行剪綵儀式，排場十足。而佢亦不時直播帶貨為店舖宣傳，早前更請來王祖藍、苑瓊丹、鄺文珣等多位重量級嘉賓助陣直播，吸引超過123萬人觀看，銷售總額更突破522萬人民幣（約575萬港元），成績理想！
陳嘉佳榮升老闆娘！
喺廣州開海味舖！
親自揀貨。
同鄺文珣拍片造勢。
又搵嚟王祖藍、苑瓊丹助陣直播帶貨。
帶挈銷售額突破近575萬港元。
成績理想。
