唔止寵愛大S！具俊曄自掏腰包請粉絲食飯成偶像典範

台灣女星徐熙嬡（大S）與元祖級韓國雙人組合「酷龍」成員具俊曄結婚多時，依然成為台灣及韓國嘅焦點，話題不斷，形象好好先生嘅具俊曄不但係愛妻號，私底下亦非常寵愛粉絲，近日佢同粉絲聚餐，除全程有講有笑打成一片，並且好親民咁同大家合照外，原來今次佢更係自己出錢請大家食飯，全因呢班粉絲23年都一直對佢哋不離不棄，所以佢主動向粉絲提出邀約促成呢次飯局，而合照一出，即有唔少粉絲飲恨錯過同偶像見面嘅機會：「好羨慕的粉絲見面會」、「真摯的感情」、「Oppa，我也想要参加」。