鍾嘉欣細女家中出世　跟阿媽改名叫Linda：一家五口

藝人鍾嘉欣早前喺加拿大溫哥華為第三胎BB休養，估唔到一轉眼B女已經出世。佢今日（27日）就晒出佢同愛女嘅合照，佢仲自爆今次係「home birth」，即係BB係喺家中生產，而且仲係天秤座BB，推算阿女出世已有好幾日，甚至一個月。先後為老公誕下一子兩女嘅佢，雖然係素顏出鏡，不過氣色相當好，仲透露阿女改名做Anika Linda Leung，其中middle name更加係同媽咪嘅英文名一模一樣，認真sweet爆！

見囡囡一出世就有濃密又烏黑嘅頭髮，仲係體重7磅8嘅巨B，同佢家姐更加係餅印一樣，盡得華姐媽咪嘅好基因，而鍾嘉欣則親吻愛女面珠，自爆冇第一時間通知大家，係想搞掂晒先宣布好消息：「想同大家介紹家中新成員，Anika Linda Leung. ?我哋依家正式係一家五口喇?????因為我哋想全力照顧好囡囡，所以先未有即時同大家公布喜訊，望大家見諒 #7lbs8ounces #LibraTiger #positivehomebirth」