3間公司同時告上庭　李易峰100萬人仔隨時蒸發

內地男星李易峰因多次嫖娼上月被行政拘留，佢雞咁腳走佬返鄉下四川，佢同其工作室亦被上海劇酷文化傳播公司控告，加上被影視界全面封殺，佢都已經去到走投無路嘅地步。不過低處未算低，近日上海峰岩文化傳媒中心因債權人代位權糾紛案被廈門堯天舜日影業有限公司起訴，李易峰同為被告。據悉，上海峰岩文化成立於2018年，註冊資本100萬元人仔（約108萬元港幣），投資人為李易峰。在此之前，李易峰及其工作室已被華策影視起訴，同一時間先後被至少3間公司告上庭，睇嚟佢想翻身都冇希望。