東網電視
更多新聞短片
自從踏入10月，好多中菜廳都推出大閘蟹盛宴，社交平台好多人都上傳食大閘蟹有幾爆膏嘅相，唔通個個都咁鍾意食大閘蟹爆膏，個個都唔驚膽固醇咩！其實秋天就係食蟹的季節，除咗大閘蟹其他仲有好多選擇！
位於沙田大型商場旁的星級酒店中菜廳，除咗有大閘蟹套餐，最近亦推出咗坊間少有嘅滋味「蟹」逅盛饌，選用世界各地多款豐腴肥美的時令蟹種入饌，炮製出一系列鮮美蟹香菜式。頭盤嘅蟹粉灌湯小籠包係唯一嘅大閘蟹菜式，鮮肉餡以鹹鮮味十足的蟹黃油香增添豐富層次。接着係芙蓉鱈場蟹肉金菇燴雪燕羹，雪燕加上勁多新鮮鱈場蟹肉，燉製成蟹鮮味道濃郁的「海皇羹」，蟹肉的天然鮮香味在口腔交織縈繞，超級讚！
蟹粉灌湯小籠包配搭清新輕盈的桃酥珍寶蟹棒及芥末小耳北寄貝喚醒味蕾，多重滋味於舌尖蔓延。（作者提供）
共冶一爐，更添暖心滋味。（作者提供）
主菜重點係加拿大珍寶蟹兩食，碩大肥美的加拿大珍寶蟹肉厚鮮甜，製作出羊肚菌蛋白蒸蟹鉗及砂鍋薑葱粉絲焗蟹兩道精緻菜式。蛋白混和羊肚菌後一同蒸煮，散發陣陣馥郁菇菌鮮香，加入蟹鉗後令鮮味倏然昇華。金蒜椒鹽沙巴軟殼蟹亦絕對讓人無法抗拒，原隻沙巴軟殼蟹酥脆金黃，灑上椒鹽及蒜粒後，鹹香滋味於味蕾併發，久久不散。套餐還有更多巧手菜式，包括南瓜帶子蟹油炒絲苗、花菇冬筍田園蔬及自家薑茶三色芋圓等，完美點綴蟹肉的頂級鮮味，昇華滋味時刻！
砂鍋薑葱粉絲焗蟹選用碩大肥美的加拿大珍寶蟹，個蟹蓋真係有半個砂煲咁大。（作者提供）
羊肚菌蛋白蒸蟹鉗將蛋白混和羊肚菌後一同蒸煮，散發陣陣馥郁菇菌鮮香。（作者提供）
砂鍋薑葱粉絲焗蟹帶出蟹肉天然的濃郁甘鮮之餘，鍋底的粉絲盡吸惹味的炒蟹醬汁精華。（作者提供）
金蒜椒鹽沙巴軟殼蟹酥脆金黃，灑上椒鹽及蒜粒後，鹹香滋味於味蕾併發，久久不散。（作者提供）
花菇冬筍田園蔬個蝦子味好鮮。（作者提供）
南瓜帶子蟹油炒絲苗嘅蟹油香讓人無法抗拒。（作者提供）
自家薑茶三色芋圓極夠薑呀！（作者提供）
餐廳除咗有「金秋大閘蟹嚐宴」，仲有這個「蟹」逅盛饌俾不能承受爆膏的蟹迷作另一選擇。（作者提供）
Profile：Zacky Sun
-香港執業會計師
-www.Inztyle.hk創辦人
-星級生活達人
-自由寫作人
-為國內雜誌撰寫旅遊飲食文章
-於商業電台節目作客席旅遊主持
Facebook：Inztyle.hk.zacky
Instagram：Zackyinztyle
