東網電視
更多新聞短片
歌手李靖筠透露有份參演的新戲《月滿》近日煞科，戲中她飾演於單親家庭長大的少女，對於現實在完整家庭成長，拿捏上較困難，她說：「不過今次唔使做反叛少女，之前反叛咗好多次，所以覺得幾開心。差不多煞科時，有一日我真係抬頭望到滿月，突然好感動，好似真係見到戲中的爸爸一樣。」是次她與陳湛文飾演兄妹，與陳湛文合作過拍《IT狗》關係，故試造型時已感到熟落，她並感謝對方經常加以提點，她說：「佢會無啦啦提我，有啲細節會遺忘咗，好似佢會問，點解我個角色會失眠，我無諗過呢樣嘢，然後叫我放大失眠呢點，演繹上幫我好多。」是次角色還需要學踏滑板，她專登跟教練學了一個月，學完感到好有興趣，會繼續學下去。
另外，她又透露下月會推出新歌，為另一齣電影的主題曲，由於是一齣鬼片，故新歌亦會有少許恐怖元素：「本身最想做呢種，帶有hip-hop和R&B音樂，今次借電影有得玩，好開心。」
李靖筠新片煞科，今次佢做單親家庭少女。
最開心係唔使再扮反叛。
仲可以鑽研演技。
