東網電視
更多新聞短片
視頻觀看次數: 4.2k

音樂人倫永亮(Anthony)在戲曲中心舉行一連兩場演唱會,昨晚(26日)舉行頭場,他自彈自唱《是你》、《錯過》和《冬夢人》等串燒歌揭開序幕,兩年冇開騷,開騷前爆出有工作人員確診新冠,又有人劈炮不做,幾經波折才順利開騷。

倫永亮舉行演唱會。

疫情下幾經波折終於順利開騷。
他表示在疫情這3年,自己經歷過高高低低,「個人有啲古怪,瘋瘋癲癲、飄飄忽忽,我唔想躺平,唔想死住,想玩多幾年。」他又幽自己一默,自稱去年和今年磅數都是146磅,堅持冇增磅。他稱父母都不太贊成他彈琴,媽媽覺得音樂偏門,擔心他未能搵食,現在回想起來覺得父母是為他好,他笑言:「睇見本存摺水位好低,點解我唔去做醫生呢!」
Anthony在台上被爆料,爆出公司因為風水問題要他改名「Jess」、戴眼鏡及脫癦,提到第一張唱片打破了紀錄:「當時呂方、梅艷芳用好多錢出碟,我係全公司最低成本,用15萬出碟,但只賣到3000張。」他除教觀眾作曲,又教學潮語,即場解釋「MM7」、「腐女」等 ,笑指「CMF」是衣櫃裏的鏡粉意思,鍾意MIRROR的他自言有去天星碼頭打卡。之後唱了一首將自己的《追星者》與MIRROR的團歌《BOSS》remix版本,炒熱氣氛,全場high爆。

倫永亮感觸良多。

佢又翻唱MIRROR歌曲致敬。
Anthony騷後受訪,稱娛圈迷信風水時有聽聞,但並非真正發生在他身上,不過「Jess」這個名字的確曾經用過,是他在美國發展時用的名,返港入行後才轉用Anthony。至於脫墨方面,亦並非公司的要求,他半開玩笑說:「有日我感冒睇醫生,但醫生幫我脫咗嘴上面粒癦。」潮語由拍檔自度,自己都很喜歡MIRROR 12子但冇追星,不過好明白年輕人視偶像為榜樣。對於第一場演出,他自評只有70分,認歌詞有甩漏,他說:「係我自作自受,因為有部分歌係重新編曲,有啲亂咗,有10%歌詞唔記得。」對於沒有邀請嘉賓,他說其實有不少歌手向他表示有需要幫忙隨時出聲,只是自己錯過了請嘉賓的時間。

倫永亮自認鏡粉但冇追星。

佢又畀自己表現70分。