新劇被狂扑頭　黃庭鋒望快閃日本過浪漫聖誕

藝人黃庭鋒最近忙於拍攝劇集《妳不是她》，他透露預計於年底拍畢：「全個劇組都好努力開工，大家好期待可以喺聖誕前拍完，可以去快閃去旅行。（你想去邊度？）我諗緊一係去陽光與海灘嘅泰國，或者係浪漫嘅日本，但泰國咁熱好似冇乜聖誕感覺，所以應該會揀日本。」庭鋒指今次拍攝有不少難忘事，想不到竟有不少動作場口：「其中一幕講我要飛車同翻車，雖然有特技替身，但有啲動作都要我親身上陣，另一幕係我畀郭柏妍用玻璃樽扑頭，雖然唔係真玻璃，只係道具，但都扑咗幾次，郭柏妍都好驚整傷我。」