東網電視
更多新聞短片
歌神陳奕迅（Eason）忙於舉行一連27場紅館演唱會，佢日前帶大家去演唱會後台，揭開台底合共4條通往台面嘅秘道，1號通道就是通往舞台中央，而佢唱《七百年後》用嗰架旅行車，就係經9號通道運上舞台，6號通道只供表演小妹妹用，3號通道就係「肉人」專用。台底搭建咗1間房，放置了全身鏡、毛巾以同水，十足小型補給站一樣，佢介紹期間一度熱到除去外套，可見台底非常高溫！
佢展示包括太空廠、以及被佢稱為「古天樂專用嘅曬燈床」等演唱會道具：「曬完之後一定紅，但都要個人黑先得，如果唔係半紅不黑。」最後，佢介紹特別通道：「舞蹈藝員同樂隊嘅，我都係樂隊成員之一，所以可以行。你哋唔可以，冇人可以入到呢條通道。」呢條神秘通道其實是通往後台嘅鏡房，裏面放滿舞蹈員嘅服裝以同跳舞用嘅道具等，原來其中一幕舞蹈員戴上的藍色面具，係照住Eason個樣做，面具亦會每日清洗。至於Eason會唔會清洗演唱會服裝？佢話係會日日洗，而造型師都為準備咗每款2套嘅服裝。
陳奕迅忙緊開紅館騷。
陳奕迅帶大家行演唱會後台。
應有盡有！
藍色面具原來係照住Eason個樣做！
