東網電視
更多新聞短片
昨晚（8日）台慶頒獎禮其中一個高潮，絕對是曾勵珍奪得「萬千光輝演藝大獎」一刻，無綫全台藝人立即起身鼓掌致敬，TVB真係人人都好尊敬珍姐。去到後台，珍姐又收花又接受大家祝賀，難怪每次逢有藝人上台得獎，都多謝珍姐，足見她地位超然。
大家都知《愛．回家之開心速遞》是珍姐主理，「長腳蟹」呂慧儀當然唔執輸上前祝賀，呂慧儀上前獻花時，為免遮住後面的人拍照，她登時跪下，可能太過忘形，穿上短裙加黑絲的她露出黑色絲襪頭，這幕跪拜珍姐，勢必成為經典。
呂慧儀接受東網訪問時，她坦言並不知情，更說：「我唔知呀！因為當時我怕會阻住大家影相，所以烏低咗個身，下次我會小心啲，不過我都有打底，下次買絲襪會買啲邊位冇咁低嘅。（紮花你買？）紮花家姐（滕麗名）買嘅，因為紮花好靚，所以珍姐喺台影相時我咪遞上去畀佢揸住影囉！」
《愛．回家之開心速遞》一眾演員。
呂慧儀烏低身送花畀曾勵珍。
相當有心！
曾勵珍奪得「萬千光輝演藝大獎」。
