東網電視
更多新聞短片
經典名作《男兒當入樽》漫畫家井上雄彥親自編劇及執導，久違26年推出電影版《The First Slam Dunk》，累積票房已衝破76.8億日圓（約4.5億港元）！依家香港同樣上映，引嚟一眾「Slam Dunk」熱！趁住依家個勢咁勁，有台灣體育主播就上載咗一輯一代女神王祖賢約30年前打籃球嘅激長腿索相，令人驚嘆原來女神先係漫畫中「赤木晴子」最強真人版！
唔好講笑，王祖賢本身就係籃球隊出身。
激長腿，唔打得都睇得。
該主播就大讚：「如果30年前有《全明星運動會》，王祖賢絕對會是最最最爆炸火紅的藝人選手！」佢仲翻出王祖賢驚人體育背景，原來身高173cm嘅王祖賢，其父王耀煌（身高193cm）曾為台灣籃球手，同傅達仁、盧義信係中華男籃嘅「三劍客」。而王祖賢曾經打過台北市懷生國中女籃、金甌商職（小台電）女籃，王祖賢喺早期電影亦有晒過籃球球技，加上佢一身純情籃球Look，簡直就係神還原「籃球女神」赤木晴子。
佢爸爸原來係中華男籃球手。
基因呢家嘢，贏在起跑線。
對腳好長呀～
呢個Pose係咪好熟口面？
邊有分別啫！
