趙哲妤做單親媽媽多年　趁桃花旺想搵番個伴

2010年中國小姐香港區冠軍趙哲妤（Uny）2016年未婚誕女，女兒小魚天生深度聽障，需要特別照顧，Uny花2年時間完成言語病理學碩士課程，目的為改善女兒的語言能力，現時她已是執業言語治療師。她早前出席活動時，提到放棄幕前工作，做全職言語治療師3年，轉行後收入穩定，能養活女兒，生活上獲得安全感，透露女兒已6歲，聽力有9成8，基本上全部英文字母都能夠講到及聽到，及能說到長句子，她說：「最艱難時候已經過咗，好開心，（之前打算移民新加坡幫女兒搵學校？）本來係，不過上年香港有間國際學校收咗佢，我哋見咗好多間，因為佢係SEN兒童（有特殊教育需要）較難，呢間可直升上高中，而且同最好朋友同校，如果轉咗校冇咗最好朋友，我會內疚，要尊重佢。」

做單親媽咪多年的她，可有為自己將來打算組織個小家庭？她說：「實不相瞞，師傅話我今年桃花運好勁，我都立下目標，要為自己去諗吓，希望今年認真識個伴。」她直言前幾年，生活像一團糟，無論工作、小朋友都是，認為自己無條件談情，但現在她有建立個家的想法。