黃妍自爆小學遇溺有陰影　預告暑假出專輯

歌手黃妍現身公開活動，透露將於下月舉行一連兩場音樂會，並將以恐懼及水為主題，不過原來她小學時曾經遇溺：「嗰時冇大人睇住去游泳池游水，中途浸親要救生員救我，之後唔敢再去游水，冇諗過入行後成日接觸到同水有關嘅嘢，連影Cover都要成個人浸入水，最後惟有鼓起勇氣克服，依家唔驚水啦！」

談到今年音樂計劃，黃妍將於暑假出專輯：「上年去咗英國做Live，今年都想繼續，但要計劃下先，同埋最近挑戰咗做ViuTV音樂節目主持，覺得幾好玩，雖然仲有其他人一齊主持，但15集入面畀到好好嘅經驗我，希望嚟緊再有機會試唔同節目嘅主持啦！」