施焯日蔡景行台灣玩射擊　再接受自由落體大挑戰

施焯日（阿發）及蔡景行（行仔）擔任主持之J2台旅遊節目《見步行步 台灣篇》，其中一集，二人在十鼓仁糖文創園區的體驗射擊遊戲「鋼鐵鐳戰」，為了湊夠遊戲人數，更各自即場搲陌生人當隊友；最終各自成功組隊的二人，在以鋼架搭建為主的場景內東奔西跑玩war game，並在玩至滿頭大汗情況下冧莊玩攀石。不過原來好戲在後頭，已預先想好要折磨二人的製作組，安排二人接受「自由落體」大挑戰，在糖廠都能有如此體驗著實意想不到。

雖然起跳之前二人都表示害怕，但到正式時，本身畏高的阿發明顯比行仔驚青得多，除不時大叫喊驚，臨跳前一刻更捉著欄架瘋狂手震，把工作人員也嚇至傻眼。經過一輪呼叫及掙扎，阿發終鼓起勇氣跳出去並秒速著陸，雖然過程很短暫，但他仍嚇至腳軟兼整個人跌倒地上，事後受訪時，他直指全程感覺「缺氧」兼抖唔到氣：「手同腳都麻痺晒咁。我係一個好畏高嘅人，我喺上面就咁望落去已經覺得好得人驚。企喺上面望住下面會覺得好高，尤其企邊位時最驚，驚到feel唔到條繩，所以猛問工作人員係咪已經勾實咗，覺得所有嘢都信唔過。」