侯佩岑優雅人設崩潰　私下真面目曝光！

台灣星座專家唐綺陽不時會透過節目和社交網分享星象與星座運程，私下亦會邀請圈中藝人朋友同框直播，早前邀請到新聞主播出道嘅女星侯佩岑時更笑料百出。只見對直播唔太熟悉嘅侯佩岑不斷問道：「今天不會人太少吧，因為我好怕我沒有流量！」、「要穿少一點還是？怎麼樣你們才要來看？還是我們要吃什麼？」缺乏自信嘅表現亦讓網友安慰道：「不要想太多。」、「兩位有美貌就好。」、「你最棒啦佩岑！」最後二人合唱咗一首《聽海》結束直播。

不過事後唐綺陽又再喺社交網分享一段直播花絮，寫道：「關掉直播後......佩岑好可愛！」只見直播時唱唔夠喉嘅侯佩岑，拎住支咪繼續High唱《失落沙洲》，陶醉到如入無人之境嘅真實反應，讓網友笑道：「佩岑終於做回自己！」、「原來私底下這麼可愛！」、「佩岑需要解放，真可愛！」、「感覺醉了。」與幕前優雅人設不同嘅巨大反差萌，迷倒一眾網友。