孫生節目被狂提舊愛林襄　琳妲真實模仿2人互動曝光

台灣職棒啦啦隊女神林襄有着甜美外貌同E Cup傲人好身材，有住高企人氣嘅佢感情方面亦都備受關注，雖然目前單身，不過佢同前男友「反骨男孩」成員孫生嘅關係，仍然備受矚目。而近日受邀上綜藝節目嘅孫生，喺節目上都不斷畀主持人重提舊愛，認真尷尬。

事實上，同孫生一齊上節目仲嘅仲有成員之一嘅琳妲（林羿禎），2人亦因為相識10年嘅關係，喺節目上琳妲都不斷畀主持人要求模仿孫生私下同林襄嘅互動，而琳妲亦相當識做咁學孫生語氣，勁嗲咁嗌：「襄～真香～」笑死現場嘉賓。而當主持要求加碼時，琳妲都一一照做，至於當事人孫生則全程保持笑容應對。