中年好聲音2︱王賢訊冇嘢驚放膽追夢：冇同父母講

《中年好聲音2》昨日（12日）首輪102強見傳媒，當中包括仁濟醫院顧問局委員王賢訊（Vincent），一向喜歡唱歌的他，參加比賽為追夢：「過去做公益活動，都有唱歌機會，幫慈善籌到錢係幾開心，今次身邊朋友好鼓勵我參加，所以鼓起勇氣，無乜嘢要驚，去做鍾意嘅嘢。」

他表示為應付比賽，認真找唱歌老師學唱歌，他表示喜歡唱李克勤和許志安的歌：「老師叫我千祈唔好㨂佢哋嘅歌，話我唱得太似，所以㨂歌要小心啲。」自言入到首輪已經「賺咗」，不過他透露月初染疫，第二次中招，擔心氣管不適有影響，現在睇中醫調理。問到屋企邊個最支持他參賽？Vincent說：「我冇同父母講，我諗佢哋依家知，相信佢哋會支持。屋企最支持我嘅係兩個仔，一直好鍾意聽爸爸唱歌，佢哋係我最大粉絲。」