自爆外國試鏡全落選　宋仲基指囝囝嘴唇最似自己

韓星宋仲基今年1月宣布與英國前女星Katy Louise Saunders再婚，妻子今年6月在家鄉意大利一索得男，宋仲基升呢老竇後經常在訪問時大方談及兒子。他最近則落力宣傳新片《禍亂》，除了現身戲院謝票之外，又亮相昨晚（15日）的JTBC新聞節目《News Room》造勢。

宋仲基受訪時談及囝囝一直笑不攏嘴，他表示：「很多人也說囝囝的嘴唇最似我，大概10個人入面有8個人會咁樣講，所以我會更專注看他的嘴唇。我聽完後心情很好、很新奇，對於自己已經做爸爸以及有兒子一事，至今仍覺得很神奇！」

被問到去年傳出他曾參與英國BBC戲劇的試鏡，宋仲基不諱言至今為止，外國的試鏡全部落選，但他不久後還會去外國參加其他試鏡，希望可以成功，日後亦想繼續接受新挑戰。