東網電視
更多新聞短片
藝人鍾欣潼（阿嬌）今年6月忽然傳出有新戀情，孖內地富貴TB網紅皇甫聖華當街錫面，親密互動頻繁，二人又試過同一時間身在泰國布吉，不過就刻意未有上載合照，令網民對二人嘅「姊妹情」有唔同揣測。估唔到今日（19日）凌晨，阿嬌喺社交平台直接上傳二人頭貼頭親密合照，及寫下：「Happy Birthday」本來同best friend慶生都好平常，不過觀乎二人早前錫面嘅緋聞，加上今次合照更為親密，唔少網友即視此為「正式官宣」嘅表現！
一張慶生合照，就鬧得滿城風雨。
有網民指阿嬌此舉係官宣戀情。
佢同皇甫聖華曾當街錫面。
大批網民湧入留言畀阿嬌，好關心佢同皇甫聖華是否情侶關係，阿嬌僅回覆：「哈哈哈，你們放心，我還是最愛我的阿Sa😂😂😂」含糊回應反而令二人關係更顯撲朔迷離，不過同時亦有網民留言大撐阿嬌，指依家時代思想開放，佢想點做都會支持。
皇甫聖華為有米富二代，同多位圈中人都好熟。
係內地TB界「頂流」。
好多粉絲湧入表現難以接受二人感情。
阿嬌呢個回應好耐人尋味。
