賈乃亮被爆帶女返歸　打破與李小璐復合傳聞

內地藝人賈乃亮於2019年宣布與李小璐離婚，不過早前佢哋喺社交網激罕晒出一家三口合照，惹嚟復合傳聞，不過昨日（8日）有內地「狗仔」影到佢帶短髮女子返歸，疑有新戀情。

事緣，賈乃亮約咗幾個朋友食飯，飲飽食醉之後，帶住醉意離開餐廳，準備走向代駕座車，佢被助手扶住，後面就跟一位同樣被攙扶住嘅短髮女子，之後佢仲同呢位短髮女子一齊坐車返屋企添！對此，大多數網民都有送上祝福：「離婚很多年了，開啟新感情很正常」、「都多久了，可以自由談戀愛了吧」，但係有網友就覺得佢哋可能只係普通朋友，未必係拍拖喎！