《奔跑吧》新一季官宣　元老級成員Baby確認消失

內地人氣綜藝節目《奔跑吧》日前官宣即將播出新一季，並公布常駐成員，包括包括李晨、鄭愷、沙溢、白鹿、周深、范丞丞、宋雨琦、「時代少年團」張真源等人。而早前因睇「19禁」歌舞騷疑被封殺嘅Angelababy未有出現喺名單上，引起網民熱議。

《奔跑吧》自2014年第一季開始，Baby就作為常駐成員參與拍攝，憑着喺節目中貼地嘅表現，深受網民喜愛，人氣居高不下。直至數月前佢因為睇「19禁」歌舞騷而被傳疑似封殺，身為元老級成員嘅佢缺席《奔跑吧》錄影，對此網民都表示「圖文都沒有Angelababy，看來確實徹底涼了」、「以後再也不會有她名字了。沒把她以前鏡頭刪了應該算是留個體面了」、「看來被軟封了」、「看來變天了」。雖然之前有傳佢積極求存連翻試水溫望「復出」，不過現時佢嘅社交網仍然處於禁言狀態，再加上缺席《奔跑吧》，復出恐怕遙遙無期。