丘梓謙闖大銀幕獲激讚　氣場不輸「老竇」張家輝

憑處境劇《愛．回家之開心速遞》「蔥頭」一角彈起的丘梓謙，近日他更進軍大銀幕，參演英皇電影《爆裂點》，飾演影帝張家輝兒子，其中一幕父子對手戲更獲得內地網民激讚，戲中丘梓謙自小父母離異誤入歧途，重遇身為執法人員的張家輝後被對方用槍指嚇，並表示：「你再咁落去，就冇將來！」丘梓謙即激動回應：「你掉低我嗰陣，有冇諗過我嘅將來？」七情上面、氣場絕對不輸張家輝，贏得網民一致好評。

而日前丘梓謙亦晒出與張家輝合照，留言表示：「我成為演員開始，一直都好想參與電影，但我點都冇諗過第一套嘅電影，就係夢幻組合。可以喺家輝哥身邊學習同追星，每日開工嘅時候都係同自己偶像對戲，個感覺真係好夢幻。再一次多謝老竇家輝哥，每場戲都喺身邊陪住我鼓勵我同教導我，真係好希望可以再次合作。」