東網電視
更多新聞短片
「日本旅遊達人」杜如風（Helen）再度為J2旅遊節目任主持，上次於《解風東京》反應不俗，今次載譽歸來，再次踏足鄉下日本，轉戰關西大阪主持《解風大阪》。今輯Helen一如以往以癲喪真性情作賣點，她同時化身金句王，每集都有啜核名句出現，如一出場她就爆金句「個個都食和牛，唔通個個都想食和牛咩」。
嘆和牛！
掂唔掂？
節目亦有介紹台灣天團「五月天」曾入住的酒店，酒店主打和式風格，職員通懂多國語言，連廣東話都識，Helen更以肉身測試和式榻榻米房間面積，絕對能夠容納5套日式被褥，笑指「五月天」5位成員剛好夠位瞓覺，收費每人也不用400港元，非常划算。而作為海膽控的Helen，於節目中原本可以豪歎9款不同日本產地海膽，惟臨時被攝製隊加插唸急口令環節，假如未能在限定時間內完成，會扣一份海膽，Helen初試失敗原本嬲嬲豬，幸最後於半賣半送下完成任務，故她即沾沾自喜說：「一路開工一路食好嘢，係咪好恨我呢份職業呢！」
五月天都住過嘅酒店。
靚！
睇見都想食。
好味。
厚切豬扒包。
