東網電視
更多新聞短片
台灣歌手徐若瑄早前宣布同新加坡富商老公離婚，結束9年婚姻，如今瞓身專注事業嘅佢，更宣布重組「黑色餅乾」組合外，近期更密密飛日本錄製節目。雖然離婚後嘅徐若瑄轉戰做事業女強人，不過聖誕佳節又點少得同最愛嘅囝囝Dalton一齊慶祝，尋日（24日）徐若瑄亦喺社交網晒出一輯同8歲囝囝Dalton喺北海道滑雪嘅歡樂靚相，睇嚟徐若瑄有仔萬事足。
離婚後反而更專注事業。
近期頻頻現蹤日本嘅徐若瑄，喺社交網透露自己近期行程忙碌，寫道：「從炎熱的30度到零下3度，再到零下12度，天冷，大家也要注意保暖喔！」並晒出一系列同囝囝滑雪、砌雪人及去主題公園玩嘅得意靚相，其中母子喺小樽運河前緊緊相擁嘅合照，更係隔住個Mon都Feel到佢母愛爆棚！
就算工作有幾忙，都以陪囝囝為優先。
一齊砌雪人。
帶囝囝去主題樂園。
唔知睇緊咩呢？
母愛爆棚。
