東網電視
更多新聞短片
內地一線花旦劉詩詩同台灣型男吳奇隆嘅婚姻狀況受外界高度關注，尤其今個月劉詩詩「復出」古裝新作出街後，更盛傳二人已經辦理離婚手續等，愈傳愈誇張。一直收埋自己嘅吳奇隆，到依家都未有正面回應，前日（27日）就終於等到吳奇隆「現身」，喺社交網發文晒出4張近照。見佢似乎去咗Salon set頭，身穿黑色短T及長褲，外搭白色牛仔外套，眼神Chok爆望鏡頭，雖然係型，不過就好明顯佢瘦咗成個圈，塊面削到尖晒。
劉詩詩同吳奇隆最近婚變傳得好勁。
吳奇隆終於都見人。
成個人瘦晒…
塊面尖尖尖…
同時又有內地媒體忽然為二人闢謠，直斥離婚消息係假嘅，本身有呢個傳聞傳出，只係因為早前有一啲賣相嘅人、機場代拍等，影到吳奇隆同佢助理疑似着情侶鞋、情侶裝等，為咗收視就愈傳愈誇張，不過呢啲都係證實唔到吳奇隆要同劉詩詩離婚。
有內地媒體聲稱多人影到吳奇隆同助理疑似着情侶鞋、情侶裝。
不過就話好肯定離婚消息係假嘅。
