東網電視
更多新聞短片
台灣歌手楊丞琳去年於河南鄭州巡唱上發表「河南人愛騙人」言論激起輿論，雖然佢消失咗一段短時間之後，就已經照常現身巡唱騷，不過上月有指佢會參與做四川衛視嘅元旦演唱會嘉賓之一，點知尋日（1日）節目出街後，佢竟然消失於風雨中！
去年12月12日，四川衛視曾預告跨年演唱會將請嚟大批當紅歌手李宇春、張韶涵、楊丞琳等，後來就有網友發現楊丞琳突然喺表演名單中消失，正式播出時更係唔見影。對此，好多人推測或許係因佢失言事件仲未解決所致，不過亦有粉絲稱佢本周六要去上海開唱，人氣仲好旺，唔會因故取消，亦有知情人稱只係因為表演曲目「版權問題」先冇播出佢嘅表演片段。
楊丞琳忽然喺表演名單中消失。
明明一個月前已經官宣…
有網友指係關版權問題事。
不過亦令人聯想起佢失言事件仲未解決…
