東網電視
更多新聞短片
藝人湯怡於2021年閃婚嫁麥秋成後，共同育有囡囡「麥QQ」，一直都成日晒親子時光，惟尋晚（11日）湯怡突然於社交平台發文：「合則來 不合則去 不會強求 也不會挽留 來來去去 最好的會留在身邊」佢呢番言論嚇親唔少網民，即惹嚟離婚揣測。不過見佢配文係一身似足Cosplay feel嘅性感造型，亦有網友估佢只係為某品牌做宣傳嘅貼文，圖文不符。
另外，麥秋成亦回應道：「人與人之間不只是愛情，還有人與人之間嘅情。合則來不合則去，離開不好嘅人，守護自己嘅能量，是我和太太的原則。我們一家相處很好，大家猜疑多了。謝謝關心。」
湯怡嘅發文真係令人好多聯想…
不過佢嘅配圖就夠晒索。
平時佢同麥秋成都成日放閃。
上個月聖誕節先晒出一家三口全家福，幸福到爆！
