東網電視
更多新聞短片
由麥長青（麥包）、江美儀擔任主持的無綫旅遊飲食節目《大灣區美味好玩攻略》，分別邀得郭柏妍（Rosita）、王敏慈、羅毓儀、黃嘉雯、鄧凱文任嘉賓。繼續由大灣區地膽麥包帶隊玩轉佛山和順德，並邀來應屆港姐季軍、自小在新加坡長大的王敏慈擔任嘉賓。昨（11日）晚三人首先去到佛山潮人打卡熱點嶺南天地朝聖，大歎特色咖啡和以中國酒調製的 Cocktail，期間敏慈意外自爆是飲得之人：「我鍾意飲啤酒，因為啤酒唔容易飲醉！」經驗老到的美儀聞言即笑言：「有氣嘅唔醉，即係好飲得啦！」之後三人去到卡丁車賽車場體驗「速度與激情」，敏慈化身賽車女神，更大膽地向麥包及美儀兩位前輩挑機！其後敏慈身穿短打裝束去到洞穴主題按摩店體驗「德國古法鹽霧」。
王敏慈首度拍攝旅遊飲食節目。
化身賽車女神。
又走入洞穴主題按摩店。
大玩德國古法鹽霧。
今晚，三人會去到「漁米之鄉」順德繼續大開食戒，麥包還帶隊到星級餐廳食好西，期間美儀和麥包氹敏慈吃沙蟲蒸蚌仔，不知就裏的敏慈吃得津津有味，更一度以為是蘑菇，之後麥包及美儀開估說：「其實係條蟲嚟！」敏慈聞言即急急掩面，場面搞笑。節目尾聲，首次拍攝綜藝節目的敏慈有感而發，感激兩位前輩循循善誘，並大爆美儀窩心一面，敏慈說：「美儀姐教咗我好多好多嘢，好似揸筷子，佢話咁揸筷子上鏡唔好睇，人哋會笑我，佢畀咗好多信心我，好幸運第一次就跟到咁好嘅前輩！」敏慈隨即淚如泉湧攬攬美儀，美儀一邊幫敏慈抹眼淚，一邊講笑氹番她，場面溫馨。
王敏慈跟住兩位前輩學習。
特別感謝江美儀指點。
激動到喊。
