東網電視
更多新聞短片
台灣啦啦隊女神林襄樣靚身材正，有着E Cup傲人上圍嘅佢，更係唔少宅男心目中嘅女神，可惜好景不長，早前傳出林襄不再同「樂天女孩」續約外，連同林襄高企人氣有得揮嘅韓籍啦啦隊女神李多慧，都決定離開，簡直係啦啦隊嘅沉重打擊。
李多慧唔再續約，簡直係宅男噩夢。
而今日（18日），有份出席公開活動嘅「樂天女孩」成員巫苡萱及宜芳，亦被台媒問道林襄及李多慧嘅去向，對此巫苡萱透露自己冇私下詢問過林襄：「她們去留與否還是要等球團正式公布才知道，私下也沒問他們，剛好尾禡都錯開，最近都沒碰到面。」對於之後冇得再做隊友，巫苡萱表示可惜外，亦為對方獻上祝福道：「他們還是會在台灣，希望看到他們還是有更好的發展。」另外，巫苡萱亦透露早前佢同林襄2人都因為面臨分手，所以有喺群組幫雙方打氣加油。
連林襄都走埋，認真損失慘重。
巫苡萱透露林襄動向。
最後，提到去年11月就自爆同男友Rex分手嘅巫苡萱，隔月卻被直擊到同前男友行街、撐枱腳，對此巫苡萱亦解釋道，當時自己係同Rex討論公事：「目前就是工作上還是有聯絡。」並表示目前冇復合嘅打算，更笑稱因為報道嘅關係，令佢身邊都冇追求者。
樣靚身材正。
