東網電視
更多新聞短片

荷里活動作巨星阿諾舒華辛力加前日(17日)於德國慕尼黑機場因未申報一隻準備拍賣的名錶,被扣留3小時補交稅兼罰款。阿諾昨日(16日)帶住風波起因到奧地利舉行的「舒華辛力加氣候倡議慈善拍賣會」,拿事件自嘲,借女友Heather Milligan玩咸濕笑話:「你哋可唔可以相信我突然間就要戴住手扣?我戴咗手扣!不過唔係因為隻錶或者海關,而係因為我同女友Heather渡過咗一個火辣嘅夜晚。」

阿諾日前於德國海關被扣留。

扣留風波帶挈拍賣價。
他又繼續搞笑:「真係難以置信。海關個女士講:『如果你唔聽話,我就會幫你扣手扣。』我就話:『OK,正呀,平時我咁樣玩要畀成500美元!』成個過程好癲,我可以話你知,因為你嘗試帶呢隻錶……呢隻好特別嘅錶過境。佢哋喺行李搵到隻錶後,條友又想搵第二隻錶。但佢搵唔到,因為我收埋咗。但我唔可以話你哋知我收埋喺邊度,因為今日我都坐低唔到。」阿諾的名錶是為他特製的限量版,原價估計2萬歐元(約17萬港元),拍賣起價5萬歐元(約42.6萬港元),可能因為經過海關風波名氣大升,最後以27萬歐元(約230萬港元)高價賣出!