東網電視
更多新聞短片
90年代天后彭羚（Cass）自從同DJ林海峰婚後就淡出樂壇，一直相夫教女，甚少公開露面，但仍落力Keep Fit，不時都喺社交網分享做運動嘅片，已54歲嘅佢多年嚟保養得宜，絕對係美魔女，但係佢尋日（21日）上載嘅片中突然「肚凸凸」，不過大家唔好誤會佢有喜或者最近食肥咗，其實佢只係塞咗啲嘢落件衫度扮大肚婆咋，佢拍片教孕婦瑜伽，表示運動有助產前同產後恢復，而呢次再度「大肚」亦令佢諗起24年前懷孕嗰陣嘅回憶添！
佢近年考獲Gyrokinesis禪柔運動導師牌，平時佢除咗做瑜伽，仲有同老公林海峰一齊跑步，操出完美線條，佢做伸展動作時，手臂肌肉同背肌都非常明顯，果然係經過長時期鍛煉嘅成果。
彭羚多年嚟保養得宜。
彭羚（右）扮大肚婆教孕婦瑜伽。
彭羚（左）手臂肌肉同背肌都非常明顯！
