原來唔關雨僑事！雨橋出「股」惑組團戰樂壇

人妻雨僑在網上驚傳組圑再戰樂壇，且在新歌MV中和兩位男成員齊齊除褲露股，不過經查證後，發現此「僑」不同彼「橋」，下嫁前歌手羅力威，婚有育有一子一女的雨僑仍然守身如玉，繼續當網紅，享受家庭樂，而雨橋則是獨立男歌手，最近孖《全民造星V》20強止步的尹澤生，及校草亞軍劉皓嵐組成2024年首支男團「熱血躺平族」推出新歌《燃》，在MV中，冒寒作出大解放，三位成員面向大海全裸露股，對於這個大膽構思，他們說：「純粹係覺得熱血，日本男子對住日本海，好似浮世繪啲畫面，再加上想表達我哋要做最原本嘅自己，全裸對住個海嗰Shot，就好似做最原始嘅自己，對住世界吶喊。」

除褲晒股看似簡單，但拍攝過程飽歷艱辛，但相當享受，他們說：「我哋要攀過懸崖去其中一個景，要搬器材上落長命斜，所有人包括導演、演員都要一齊搬，呢樣嘢反而令到我哋好感覺到大家係同一條Team，個感覺好正！」