東網電視
更多新聞短片
性感女神陳靜（Dada）自從迷上健身後，不時都喺社交網賣大包派福利，各式各樣嘅性感運動Bra Top更係令人睇到眼花撩亂，而日前同好友李思雅（Cindy）去咗澳洲睇網球公開賽嘅佢，期間唔止去咗打Golf歎法國菜，仲頻頻賣大包騷Quali。
樣靚身材正。
好識歎。
靚人襯靚景。
戰鬥格！
大騷美背。
日前，去咗澳洲墨爾本玩嘅Dada，喺社交網晒出同前香港女子網球代表隊成員李思雅，一齊睇網球比賽、打Golf及歎美食等靚相，而尋日（26日）Dada更喺社交網晒出入場睇網球準決賽嘅靚相，只見相比第一日着嘅白背心造型，今次嘅超低胸連身短裙則係相對有睇頭，大晒深長事業線及白滑美腿外，滿臉春風得意嘅笑容，更引嚟唔少網友揣測Dada喺當地有冇發生艷遇之餘，仲有眼利網友發現Dada手指就好似E.T.般修長得嚟又詭異，紛紛質疑佢P圖過度呀！
玩得好開心。
第一日入場睇比賽，着白色小背心。
尋日入場睇決賽，雖然着得性感，不過似乎P得太重手。
